Gati 90 vjet pas zhdukjes së Amelia Earhart, kërkimet në ishullin Nikumaroro kanë rikthyer vëmendjen te një teori e pazakontë: pilotja mund të ketë mbijetuar përkohësisht aty, ndërsa pas vdekjes, gaforret e kokosit mund t’i kenë shpërndarë eshtrat. Kjo mbetet e paprovuar.
Ekspedita e fundit hetoi një objekt në lagunë që, në imazhet satelitore, ngjante me mbetje avioni. Ekipi nuk gjeti prova përfundimtare që lidhnin ishullin me avionin e Earhart, e cila u zhduk bashkë me navigatorin Fred Noonan më 2 korrik 1937, gjatë përpjekjes për të fluturuar rreth botës. Kërkimet vazhdojnë dhe fati i tyre mbetet mister.