Një zjarr ka përfshirë pasditen e sotme një qendër tregtare të destinuar për lojëra dhe produkte për fëmijë, në rrugën Fushë Kosovë-Prishtinë.
Pamjet e siguruara nga terreni tregojnë flakë dhe një sasi të madhe tymi të zi, i cili mund të shihet nga një distancë e konsiderueshme.
Policia e Kosovës ka konfirmuar se deri më tani nuk raportohet për persona të lënduar. Në vendngjarje ndodhen policia dhe ekipet e zjarrfikësve, të cilat po merren me situatën.
Shkaqet e zjarrit ende nuk dihen dhe pritet që autoritetet të japin detaje të tjera pas hetimeve.