Episodi më i ri i “South Park”, i titulluar “Billionaire Weenietown”, vendos në qendër Butters-in, i cili revoltohet nga prania e miliarderëve të teknologjisë dhe qendrave të të dhënave në lagjen e tij. Satira i paraqet miliarderët në mënyrë groteske, të fiksuar pas podkasteve dhe dëshirës për të shprehur vazhdimisht opinionet e tyre.
Në episod ironizohet edhe përdorimi i inteligjencës artificiale në jetën e përditshme: prindërit e Butters-it e përdorin AI-n për të ridizajnuar shtëpinë, ndërsa seriali prek njëkohësisht debatet për teknologjinë, vaksinat dhe polarizimin politik.
Në fund shfaqet edhe një sekuencë e krijuar me AI që satirizon Donald Trump. Presidenti amerikan ka qenë vazhdimisht objekt satire në sezonet e fundit të serialit, ndërsa Shtëpia e Bardhë ka kritikuar më herët mënyrën se si ai portretizohet.