Është publikuar traileri i filmit biografik “November 1963”, i cili trajton 48 orët para dhe pas vrasjes së presidentit amerikan John F. Kennedy. Vëmendjen e ka tërhequr John Travolta, i cili shfaqet pothuajse i panjohshëm, me mustaqe dhe flokë të krehura prapa.
Filmi paraqet teorinë për përfshirjen e mafias së Çikagos në atentatin e 22 nëntorit 1963 dhe lidhjet e pretenduara ndërmjet familjes Kennedy dhe bosit mafioz Sam Giancana. Travolta interpreton gangsterin Johnny Roselli, ndërsa në role të tjera shfaqen Mandy Patinkin, Dermot Mulroney, Robert Carlyle dhe Jefferson White.
“November 1963” pritet të shfaqet në kinema më 20 nëntor. Filmi e paraqet historinë sipas një këndvështrimi dramatik dhe një teorie të debatueshme, jo si një përfundim historik të vërtetuar.