Një nga mbrëmjet më elegante të New York Fashion Week mblodhi disa prej emrave më të njohur të Hollywood-it. Më 10 shtator, në New York u mbajt edicioni i pestë i darkës vjetore Kering Foundation “Caring for Women”, ku moda dhe glamuri u bashkuan me një kauzë të rëndësishme.
Në tapetin e kuq spikatën Salma Hayek, Dakota Johnson, Pamela Anderson, Simone Biles, Julianne Moore, Paris Hilton, Rita Ora, Martha Stewart, Lindsey Vonn dhe shumë të ftuar të tjerë.
Por pas gjithë shkëlqimit të tapetit të kuq qëndronte një qëllim serioz. Mbrëmja organizohet për të mbështetur organizatat që punojnë kundër dhunës ndaj grave dhe fëmijëve. Eventi i këtij viti arriti të grumbullojë më shumë se 5 milionë dollarë, të cilat do të shkojnë për katër organizata që punojnë në këtë fushë.
Pas darkës dhe ankandit bamirës, Rita Ora performoi për të ftuarit, ndërsa Paris Hilton mori rolin e DJ në festën që vazhdoi pas eventit.
Moda, yjet dhe një kauzë e fuqishme: “Caring for Women” dëshmoi edhe këtë vit se një tapet i kuq mund të shërbejë për shumë më tepër sesa vetëm për të treguar veshjet më të bukura.