Glenn Close ka zgjedhur një jetë shumë më të qetë larg ritmit të Hollywood-it. Aktorja 79-vjeçare jeton në Bozeman të Montanës, pranë dy motrave dhe vëllait të saj.
Ajo u largua nga New Yorku në vitin 2019, me dëshirën që familja të ishte përsëri pranë njëri-tjetrit. Së fundmi, Close publikoi edhe një video nga shtëpia, duke treguar sa e lumtur dhe e bekuar ndihet mes natyrës.
Aktualisht ajo jeton në një shtëpi modeste me tulla, të ndërtuar në vitin 1892, por po ndërton një shtëpi më të madhe rreth gjysmë ore larg qytetit. Close e quan atë “Zen farmhouse” dhe dëshiron që prona të shndërrohet në një strehë familjare. Pjesë e projektit do të jetë edhe një shtëpizë prej guri, e frymëzuar nga kujtimet më të bukura të fëmijërisë së saj.