Regjisori fitues i Oscarit, Christopher Nolan, ka zbuluar një nga rregullat më të pazakonta që zbaton në sheshet e xhirimit: ndalimin e çizmeve të njohura UGG. Sipas tij, këto këpucë moderne mund të prishin atmosferën dhe t’i nxjerrin aktorët nga bota e filmit, sidomos gjatë xhirimeve të projekteve historike si “The Odyssey”.
Nolan shpjegoi se, edhe pse në xhirime ka kamera, mikrofonë dhe dhjetëra anëtarë të ekipit, detaje si çizmet UGG mund të ndikojnë në përqendrimin e aktorëve dhe të kujtojnë botën moderne. Ai e pranoi me humor se rregulli mund të duket i çuditshëm, por theksoi se synimi i tij është që aktorët dhe ekipi të qëndrojnë plotësisht të zhytur në universin e filmit. Madje, pas përfundimit të xhirimeve të “Oppenheimer”, aktorja Emily Blunt i dhuroi një palë UGG si shaka, ndërsa Nolan pranoi se janë shumë të rehatshme, por jo për t’u veshur në set.