Jessica Biel rikthehet në ekranin e madh pas një pauze nëntëvjeçare me filmin aksion-aventurë “Matchbox”, ku luan përkrah John Cena. Aktorja, e cila vitet e fundit është përqendruar kryesisht te projektet televizive, tha se rikthimi në kinema ishte një përvojë emocionuese dhe se mezi priste të punonte sërish në një produksion të këtij formati. Filmi është frymëzuar nga makinat ikonike “Matchbox” dhe pritet të publikohet më 9 tetor në Apple TV+.
Biel tregoi se xhirimet e çuan në vende të ndryshme të botës dhe e sfiduan fizikisht, ndërsa vlerësoi bashkëpunimin me kastin dhe ekipin realizues. “Matchbox” shënon rikthimin e saj të parë në një film artistik që nga viti 2017 dhe konsiderohet një nga projektet më të mëdha të karrierës së saj në vitet e fundit.