Shumë njerëz mendojnë se mjafton të ulin temperaturën e kondicionerit për ta ftohur më shpejt dhomën, por ekspertët thonë se edhe pozicioni i lamelave luan një rol kyç.
Gjatë verës, rekomandohet që lamelat e klimës të drejtohen nga tavani. Ajri i ftohtë zbret natyrshëm poshtë, ndaj duke e drejtuar fillimisht lart ai shpërndahet më mirë në të gjithë dhomën dhe krijon një temperaturë më të njëtrajtshme.
Ekspertët paralajmërojnë se drejtimi i ajrit direkt drejt trupit mund të shkaktojë ndjesi të pakëndshme, ndërsa pjesë të tjera të dhomës mbeten ende të ngrohta.
Nëse klima juaj ka funksionin “Swing”, aktivizojeni gjatë 15–30 minutave të para për të shpërndarë ajrin në të gjithë ambientin. Pasi dhoma të arrijë temperaturën e dëshiruar, lamelat mund të lihen të drejtuara nga tavani.
Gjatë natës, këshillohet të përdoret funksioni “Sleep”, të ulet shpejtësia e ventilatorit dhe ajri të mos drejtohet drejt shtratit, për një gjumë më të rehatshëm dhe për të shmangur ftohjen e trupit.