Aktorja amerikane Daveigh Chase, e njohur për zërin e Lilos në filmin e animuar “Lilo & Stitch” dhe për rolin e frikshëm të Samara Morgan në filmin horror “The Ring”, ka ndërruar jetë në moshën 35 vjeçare. Sipas mediave amerikane, ajo humbi jetën si pasojë e meningjitit dhe një infeksioni të gjakut, pasi ishte shtruar më herët në spital në Los Anxhelos për shkak të problemeve shëndetësore.
Gjatë karrierës së saj, Chase la gjurmë si në animacion ashtu edhe në film dhe televizion. Përveç roleve të famshme në “Lilo & Stitch” dhe “The Ring”, ajo i dha zërin personazhit Chihiro në versionin anglisht të filmit të njohur japonez “Spirited Away” dhe luajti në filma si “Donnie Darko”. Lajmi për vdekjen e saj ka tronditur fansat në mbarë botën, të cilët e kujtojnë si një nga talentet më të veçanta të brezit të saj.