Me kalimin e moshës, organizmi e ka më të vështirë të përthithë disa lëndë ushqyese të rëndësishme. Sipas ekspertëve, dy vitaminat që mungojnë më shpesh tek personat mbi 50 vjeç janë vitamina D dhe vitamina B12.
Vitamina D prodhohet nga trupi përmes ekspozimit në diell, por kjo aftësi bie me moshën, duke rritur rrezikun për dobësim të kockave. Nga ana tjetër, vitamina B12 përthithet më vështirë për shkak të uljes së acidit në stomak, gjë që mund të çojë në lodhje, dobësi dhe probleme me kujtesën.
Mungesa e këtyre vitaminave mund të shfaqet përmes simptomave si energji e ulët, dhimbje trupore apo përkeqësim i përqendrimit.
Ekspertët rekomandojnë rritjen e konsumit të ushqimeve të pasura me këto vitamina, si vezët (sidomos e verdha), peshku si tuna dhe salmoni, si dhe produktet e qumështit. Këto ndihmojnë në forcimin e kockave, sistemit nervor dhe imunitetit.
Një ushqyerje e balancuar dhe kontrolli i rregullt i analizave janë mënyra më e mirë për të parandaluar mungesat dhe për të ruajtur shëndetin pas moshës 50 vjeç.