Përdorimi i dhëmbëve si “vegla pune” është një zakon i përhapur, por njëkohësisht shumë i dëmshëm. Shumë njerëz i përdorin dhëmbët për të hapur shishe, për të këputur qese plastike, për të grisur etiketa apo edhe për të thyer arra. Ky veprim ushtron presion të madh dhe të papritur mbi smalt, duke shkaktuar plasaritje mikroskopike që me kalimin e kohës përhapen dhe dobësojnë strukturën e dhëmbit. Në raste të tjera, mund të ndodhë edhe thyerje e menjëhershme e dhëmbit, e cila shpesh kërkon trajtim të ndërlikuar endodontik ose vendosjen e një kurorë protektive.
Përveç kësaj, përdorimi i dhëmbëve për të hapur objekte rrit rrezikun e dëmtimit të mishrave të dhëmbëve dhe gëlltitjes aksidentale të fragmenteve të thyer, çka mund të bëhet edhe e rrezikshme për shëndetin e përgjithshëm.
Për këtë arsye, stomatologët gjithmonë këshillojnë: Përdorni dhëmbët vetëm për të ngrënë, jo për të hapur objekte.