Mishi i kuq është i pasur me proteina dhe shumë njerëz e konsumojnë rregullisht, por sasia e tepërt mund të dëmtojë shëndetin. Ja disa shenja që trupi juaj mund t’ju japë kur e teproni me mish të kuq:
- Lodhje dhe përgjumje – Edhe pse proteinat japin energji, teprimi me mish të kuq mund t’ju bëjë të ndiheni të rënduar dhe të lodhur.
- Rënie e cilësisë së flokëve dhe lëkurës – Mungesa e vitaminës C, për shkak të një diete të njëanshme, ndikon negativisht në flokë, lëkurë dhe thonj.
- Probleme me tretjen (konstipacion) – Mishi nuk përmban fibra, ndaj konsumimi i tepërt mund të shkaktojë kapsllëk.
- Erë e keqe nga goja – Kur trupi përdor dhjamin si burim energjie, formohen substanca që japin aromë të rëndë.
- Shtim në peshë – Mishi i kuq ka shumë kalori dhe yndyrë, që mund të çojnë në rritje peshe.