Një studim i ri nga Universiteti i Mançesterit ka zbuluar se ndjenja e urisë, edhe kur nuk shoqërohet me mungesë reale ushqimi, mund të ndikojë në sistemin imunitar. Aktivizimi i neuroneve të urisë në tru te minjtë uli ndjeshëm nivelin e monociteve qeliza kyçe për mbrojtjen e organizmit.
Sipas shkencëtarëve, truri mund të “mashtrojë” trupin të besojë se ndodhet në mungesë energjie, duke shkaktuar ndryshime imune përmes sinjaleve që kalojnë nga tru-mëlçi-palcë kockore. Kjo tregon një lidhje të fortë mes perceptimit dhe funksionimit imunitar, e cila në të ardhmen mund të shfrytëzohet për trajtimin e sëmundjeve inflamatore dhe metabolike.