Quentin Tarantino, një nga regjisorët më me ndikim të kinemasë moderne, ka ecur gjithmonë në kufirin mes vetëbesimit dhe egomanisë. Ndërsa shumë regjisorë përpiqen të jenë të përulur për arritjet e tyre, Tarantino është krenar për suksesin e tij.
I njohur si një nga autorët më të spikatur të 30 viteve të fundit, Tarantino shfaqi besim në vetvete që në kohën kur punonte në një videotekë, duke qenë i bindur se do të bëhej një nga emrat më të mëdhenj të Hollywood-it—diçka që arriti me sukses.
Kur bëhet fjalë për veprën e tij më të mirë, Tarantino pohon se Reservoir Dogs (Qentë e Depove) është filmi i tij i vetëm i përsosur.
“Sa herë që më kanë pyetur për filmin tim të preferuar, ka qenë thuajse një blasfemi të thuash diçka tjetër përveç Reservoir Dogs, sepse ai film më ndryshoi jetën,” ka deklaruar ai për Far Out Magazine.
Sipas tij, ky thriller është jo vetëm më i miri i karrierës së tij, por edhe perfekt për kohën kur u realizua, gjë që e lejon ta quajë të tillë pa ndjerë se po e mbivlerëson veten.