Britney Spears, një këngëtare e famshme, u largua nga Shtetet e Bashkuara dhe u transferua në Meksikë në ditëlindjen e saj të 43-të. Arsyeja kryesore e këtij vendimi është dëshira për t’i shpëtuar paparacëve, të cilët ajo i akuzon për sjellje mizore dhe joetike ndaj saj, duke pretenduar se i prishin imazhin publik. Paparacët, sipas Britney, “kanë qenë gjithmonë tepër mizorë ndaj saj”, gjë që e çoi në vendimin e saj për të ndryshuar vendbanimin.
Kjo lëvizje erdhi menjëherë pasi Britney i dha fund zyrtarisht martesës së saj me Sam Asgarin pas dy vitesh e gjysmë martese dhe pasi ajo njoftoi se ishte “martuar sërish, por këtë herë me veten”. Në Meksikë, Britney u pa duke mbërritur e lumtur dhe e kënaqur në Cabo San Lucas, gjë që konfirmon edhe më shumë dëshirën e saj për një fillim të ri larg presionit të publikut dhe paparacëve.