Koleksioni u prezantua fillimisht përmes një videoje, Le Château du Tarot, realizuar nën kujdesin e regjisorit italian Matteo Garrone.

Dior njoftoi se për interpretimin e ri të fustanit Miss Dior, u krijua një ekip prej gjashtë personash, të cilët e përfunduan pas 800 orëve pune. Fustani përfshin qëndisjen “gold lamé rouleaux”, që është një metodë që realizon qëndisjen e luleve të vogla prej ari.

Shtëpia e Modës publikoi edhe një video ku përshkruhet vizualisht gjithë procesi krijues i fustanit. Të gjitha lulet dhe detajet janë të qepura me dorë dhe të bashkëngjitura përmes një procesi delikat dhe të përpiktë.