Now Playing                 Marketing                Support Centre
The Music You Love    +383(38) 240 888    valarinore@yahoo.com       
 Listen on:  android 2017 Android  iphone  iOS  
Friday, 11 September 2020 13:57

Zbulohet diçka e frikshme për imunitetin pas shërimit me COVID-19

corona

Një studim i realizuar së fundmi ka zbuluar se imuniteti zhduket shpejtë nga pacientët e sëmurë rëndë me coronavirus, të cilët vetëm një muaj pasi janë liruar nga spitali kanë filluar të ndjejnë lodhje, shkruan Daily Mail.

 

Hulumtuesit kanë analizuar antitrupat – substancën në gjak që zhvillon imunitetin kundër virusit – ku është konstatuar se ata po humbin imunitetin me shpejtësi të madhe ende pa kaluar shumë ditë që kur ata janë shëruar.

Shumica e pacientëve që janë liruar nga spitali pasi kanë fituar betejën kundër COVID-19, kanë treguar shenja të antitrupave – duke sugjeruar se trupat e tyre kanë mësuar të mbrojnë veten nga virusi – por ato nuk ishin mjaft të forta.

 

Afro 81 përqind e pacientëve kishin antitrupa, por një studim në Kinë ka zbuluar se vetëm “një përqindje e vogël” e tyre kanë pasur aftësinë të neutralizojnë apo mbysin virusin.

 

Ajo çfarë mbetet mister është nëse njerëzit do të vazhdojnë të jenë imun ndaj COVID-19, edhe pasi të shërohen. Megjithatë ekzistojnë disa shenja se trupi në njëfarë mënyre ka mësuar të mbrohet, por gjithashtu është rritur edhe numri i atyre që po infektohen për herë të dytë me coronavirus.

 

Nëse trupi nuk arrin të ruaj antitrupat për një afat më të gjatë kjo do të thotë se vaksina nuk do të mund të ofroj mbrojtje të përhershme, siç po shpresojnë shkencëtarët dhe politikanët në mbarë botën.